Kenya yahofia vikwazo vya Marekani

Serikali ya Kenya imeelezea kusikitishwa kwake kuhusu tangazo la Marekani kuwa itaweka vikwazo vya kusafiri kwa maafisa wa serikali wanaohujumu mabadiliko nchini ya kisiasa nchini Kenya.
Waziri wa Mambo ya nje wa Kenya Moses Wetangula, ameiambia BBC kuwa ni mapema sana kuwalenga watu wanaoonekana kukwamisha mabadiliko.

Amesema ajenda ya mabadiliko inatekelezwa bila kujali dhana za kibinafsi.

Hapo jana balozi wa marekani nchini Kenya alitangaza majina ya maafisa 15 wa Kenya wanaokabiliwa na tisho la kuzuiwa kuingia marekani na kwamba walikuwa wameandikiwa barua kuwajulisha hatua hiyo.