Afungwa kwa kuwasaidia magaidi

Mahakama moja nchini Marekani, imetoa hukumu ya kumfunga miaka minane mtu mmoja, kwa kuwasaidia magaidi.
Wakati wa kesi hiyo huko Ilinois, Ali al-Marri alikiri kuwasiliana na Khaled Sheikh Mohamed, mtu aliyehusika kupanga mashambulio ya Septemba kumi na moja.

Bw al-Marri, ambaye ni raia wa Saudi na vile vile Qatar, alikiri kuhudhuria kambi za mazoezi za Al Qaeda, kabla ya kukamatwa kwake mwaka 2001.

Kulikuwa na uwezekano wa Al-Marri kufungwa jela miaka 15.

Lakini badala yake, alikabidhiwa hukumu ya miaka minane jela, na huenda akaachiliwa chini ya miaka sita, ikiwa atakuwa na tabia nzuri.