UHARAMU WA RIBA KATIKA DINI

(QURAN AND BIBLIA)

NENO RIBA KWA UPANA KWA SASA LINATUMIKA SANA KIPESA! ILA NENO HILI LIMETOKA MBALI TANGU ENZI HIZO ZA MITUME NA WATAKATIFU WETU. JE! MWENYEZI MUNGU ANASEMAJE KUHUSU RIBA?

QURAN

WALE WANAOKULA RIBA ,HAWASIMAMI ( KUENDESHA YAO ) ILA KAMA ANAVYOSIMAMA YULE AMBAYE SHETANI KAMZUGA KWA KUMSAWAA; ( WAKO MBIONI TU, HAWANA KITUO ). (NA) HAYA NI KWA SABABU WAMESEMA, “ BIASHARA NI KAMA RIBA”, HALI MWENYEZI MUNGU AMEIHALALISHA BIASHARA NA KAIHARAMISHA RIBA. NA ALIYEFIKIWA NA MAUIDHA KUTOKA KWA MOLA WAKE
(YA HUKU KUKATAZWA RIBA), KISHA AKAJIZUIA, BASI YAMEKWISHA MTHIBITIKIA YALE (MALI) YALIOPITA (ALIOKWISHA YA PATA); NA HUKUMU YAKE IKO KWA MWENYEZI MUNGU. LAKINI WANAOREJEA (KULA RIBA) BASI HAO NDIO WATU WA MOTONI, HUMO WATAKAA MILELE. (2: 275)

BIBLIA

YESU “NA MKIWAKOPESHA WATU, HUKU MKITUMAINI KUPATA KITU KWAO, MWAONYESHA FADHILA GANI? HATA WENYE DHAMBI HUWAKOPESHA WENYE DHAMBI, ILI WAWARUDISHIE VILEVILE. BALI WAPENDENI ADUI ZENU,TENDENI MEMA, NA KUKOPESHA MSITUMAINI KUPATA MALIPO,NA THAWABU YENU ITAKUWA NYINGI, NANYI MTAKUWA WANA WA ALIYE JUU, KWA KUWA YEYE NI MWEMA KWA WASIOMSHUKURU, NA WAOVU. BASI IWENI NA HURUMA , KAMA BABA YENU ALIVYO NA HURUMA.MSIMUHUKUMU, NANYI HAMTAHUKUMIWA, KIPIMO CHA KUJAA NA KUSHINDILIWA, NA KUSUKWA SUKWA HATA KUMWAGIKA, NDICHO WATU WATAKACHO WAPA VIFUANI MWENU. KWA KUWA KIPIMO KILEKILE NDICHO MTAKACHOPIMIWA.

(LUKA 6: 34….38)
KWA KUSOMA MAANDIKO MATAKATIFU HAPO JUU WAWEZA PATA PICHA HALISI KUHUSU MTAZAMO WA KIDINI KATIKA SWALA ZIMA LINALOHUSU RIBA! RIBA NI TAMAA YA YULE MWENYE MALI ANAYOTUMIA MALI YAKE KUMUDHULUMU YULE ASIYE NA MALI KWA LENGO LA KUMFANYA AFIKIRI KAMA ANAMSAIDIA SHIDA ZAKE! PINDI RIBA INAPOSHINDWA LIPWA NDIPO UNAPOWEZA KUONA UDHALIMU WA YULE MTOAJI WA RIBA DHIDI YA YULE MDAIWA RIBA! KIPINDI KINGINE TUKIWA TUMEBANWA NA SHIDA ZETU HATUTAMBUI HATARI YA MTEGO HUU WA RIBA NA KUDHANI NI JAMBO LINALOWEZA KUWEZEKANA HII INASABABISHWA NA UPOFU WA SHIDA ZETU NA UPOFU WA FIKRA ZETU TUWAPO NA SHIDA! UPOFU HUU UTUSABABISHIA KUTOKUONA UHARAMU WA RIBA KAMA MAANDIKO YANAVYOTUELEZA. RIBA IMEKUWA MTIHANI BAINAYA MATAJIRI NA MASIKINI. MATAJIRI WANAONA KAMA SEHEMU YAO YA MRADI NA MASIKINI ANAONA KAMA UKOMBOZI WA MATATIZO NA SHIDA ZAKE. WOTE KWA PAMOJA HUSAHAU MAAGIZO YA MWENYEZI MUNGU LICHA YA KWAMBA WOTE WANADAI KUWA NI WACHA MUNGU NA KUFUATA MIONGOZO YA DINI ZAO. LICHA NA UHARAMU WAKE, RIBA IMEGEUZWA BIASHARA KATI YA MWENYE NACHO NA ASIYE NACHO WOTE KWA PAMOJA WAKIKUBALIANA KAMA NI BIASHARA YA USAWA ILA PINDI RIBA HIYO ISHINDWAPO KUPATIKANA NDIPO YALE ALIYOKATAZA MWENYEZI MUNGU HUONEKANA HADHARANI. KWANI CHUKU, UBABE, UONEVU HUFUATWA NA YULE MASIKINI ALIYEDHANI RIBA NI UKOMBOZI WAKE HUPATA DHAHAMA YA KHALI YA JUU. KWANI HUWEZA KUUTUMBUKIZA KATIKA UMASIKINI ULIOKITHIRI ZAIDI YA HAPO MWANZO!
JAMBO LA KUFUATA HAPA NI KUSOMA MAANDIKO MATAKATIFU NA KUYAFUATA KAMA MAAGIZO YA MANENO HAYO YANAVYOSEMA. TUPUNGUZE DHULUMA NA UONEVU. KWANI KUASIDIA KWA MAPENZI MEMA NDIO MWENYEZI MOLA ALIVYOTUAGIZA!
ALAAMSIKI!