Wanne watozwa faini A Kusini kwa 'udhalilishaji'

Waafrika Kusini wazungu wanne wametozwa faini ya dola za kimarekani 2,700 kila mmoja kwa kutengeneza video ya kuwadhalilisha wafanyakazi watano weusi wa chuo kikuu na kuiweka kwenye wavuti.

Watu hao waliokuwa wanafunzi katika chuo kikuu cha Free State wamekubali mashtaka ya uhalifu wa kufanya madhara katika kesi hiyo iliyokuwepo siku ya Jumanne.

Video hiyo imewaonyesha wafanyakazi hao watano wakilazimishwa kupiga magoti na kulazimishwa kula chakula ambacho kilikojolewa na mmoja wa wanafunzi hao.

Video hiyo iliibua maandamano ya kupinga ubaguzi ilipotolewa hadharani mwaka 2008.

Kesi hiyo ilionekana muhimu sana katika nchi inayojaribu kuachana na ubaguzi uliokuwepo miaka iliyopita, miaka 16 tangu utawala wa wazungu umalizike.

Watu hao - - nao pia wamepewa kifungo cha miezi sita gerezani.

Faini za randi 20,000 ni zaidi ya kile kilichoombwa na waendesha mashtaka.

Hakimu Mziwonke Hinxa katika mji wa Bloemfontein wenye wazungu wengi zaidi alisema, " Hatua hii inatuma ujumbe mzito kwa wahalifu wa makosa kama haya."

Iwapo wanne hao hawatolipa faini hizo, watakabiliwa na miezi 12 jela.

Wafanyakazi hao watano wa chuo waliomba watu hao wanne watozwe faini, badala ya kufungwa gerezani.

Lakini wafanyakazi hao- wanaume wanne na mwanamke mmoja-wanatarajiwa kufungua kesi ya madai baada ya kesi hiyo ya uhalifu kuisha.

Wasomali wanaorudi kutoka Saudi hatarini

Shirika la Umoja wa mataifa linaloshugulikia wakimbizi, limeitaka Saudi Arabia kuacha kuwarudisha nyumbani raia wa Somalia kwa lazima.

Shirika hilo la UNHCR, linasema watu 2,000 wamerejeshwa mjini Mogadishu hivi karibuni na sasa maisha yao yako hatarini.

Mapigano yamekuwa yakiendelea kila siku katika mji huo wa Mogadishu kati ya wanamgambo wa kiislamu, na majeshi ya serikali yanayoungwa mkono na majeshi ya Umoja wa Afrika.

Shirika la UNHCR, limetoa wito kwa nchi zote kutowarejesha raia wa Somalia katika maeneo ya Kusini na katikati mwa Somalia.

Baadhi ya maeneo hayo yako chini ya udhibiti wa wanamgambo wa al-Shabab, wanaohusishwa na kundi la kigaidi la al-Qaeda.
Wanamgambo wa Somalia

Wanamgambo wa Somalia

Serikali ya mpito ya Somalia, inadhibiti maeneo machache kati mji mkuu.
''Kutokana na hali machafuko mjini Mogadishu, shirika la UNHCR linatoa wito kwa viongozi wa Saudi kusitisha mipango yote ya kuwarejesha nyumbani raia wa Somalia,'' amesema msemaji wa shirika hilo Melissa Fleming.

Mzozo huo umesababisha raia wengi wa Somalia kukimbilia usalama katika nchi zingine, na baadhi hata huwalipa wasafirishaji haramu wa binadamu ambao huwasaidi kuvuka Ghuba ya Aden na kuingia nchini Yemen.

Baada ya kufika Yemen, kuna wale ambao huamua kuingia nchini Saudi Arabia.

Mji mkuu wa Somalia Mogadishu, na maeneo mengine ya Kusini mwa Somalia yamekuwa katika hali mzozo kwa takariban miongo miwili.

Mugabe aomboleza kifo cha dada yake

Sabina Mugabe, mdogo wake wa kike Rais wa Zimbabwe amefariki dunia akiwa na umri wa miaka 76.

Alikuwa mbunge kwa miaka 23 mpaka mwaka 2008 alivyojiuzulu na alionekana kuwa mshirika wa karibu wa Robert Mugabe, mwenye umri wa miaka 86.

Chama cha Bw Mugabe cha Zanu-PF kimemtangaza kuwa shujaa wa kitaifa.

Hii inamaanisha atazikwa eneo la mashujaa, pahala pa heshima nje ya mji wa Harare ambapo wamezikwa waliopigana katika vita vya miaka ya 70 dhidi ya uongozi wa wazungu walio wachache.

Watoto wake wawili wa kiume nao pia waliwahi kuwa wabunge.

Mmoja ni Leo Mugabe, aliyekuwa mkuu wa chama cha mpira wa miguu cha Zimbabwe, na mwengine na Patrick Zhuwao, afisa mwandamizi wa Zanu-PF.

Amefariki dunia katika kliniki iliyopo kwenye mji mkuu wa Harare, baada ya kuumwa kwa muda mrefu.

Gazeti la serikali la Herald limeripoti kuwa Rais Mugabe aliwaambia waombolezaji kuwa dada yake alipata matatizo ya ubongo baada ya kupata kiharusi mwaka 1995.

Alisema, "Katika familia yetu, licha ya kuwa tumejaa huzuni, tunapata matumaini kwani marafiki zetu wote wako pamoja nasi."

Gazeti la Zimbabwe la Independent limeripoti kuwa chama cha Movement for Democratic Change, inayogawana madaraka na Zanu-PF, hakikushauriwa juu ya uamuzi wa kumpa Bi Mugabe hadhi ya ushujaa.

Alishutumiwa kwa kujinufaisha kutokana na utata wa mabadiliko ya mpango wa ardhi nchini humo na kuunga mkono uvamizi wa mashamba yaliyomilikiwa na wazungu.

Mbunge Apewa Kichapo cha Nguvu na Wenzake

Mwanasiasa mmoja wa nchini India alipewa kichapo cha nguvu na wanasiasa wenzake ambao walikasirishwa na mawazo yake aliyoyatoa.
alishushiwa kipigo cha nguvu na wapinzani wake ndani ya chama chake mwenyewe ambao hawakufurahishwa na mawazo yake.

Kunjir alidondoshwa chini na kutandikwa ngumi pamoja na kushushiwa mvua ya viti kwenye kichwa chake.

Kunjir alinusurika maisha yake lakini alibaki na majeraha makubwa kichwani. Hata hivyo bado hajatoa malalamiko yoyote polisi.

Angalia video ya tukio hilo chini.

140 Wafariki Baada ya Boti Kupinduka nchini Kongo

Watu wapatao 140 wamefariki baada ya boti ya abiria iliyokuwa imejaza watu na mizigo kuliko uwezo wake kupinduka na kuzama kwenye mto uliopo nchini Jamhuri ya Kongo.
Ajali hiyo ilitokea kwenye mto Kasai uliopo katika mji wa Bandundu uliopo magharibi mwa Jamhuri ya Kongo.

Boti iliyopata ajali inasemekana ilikuwa imejaza watu wengi sana kuliko uwezo wake pamoja na mizigo mingi sana.

Boti hiyo ilikuwa ikisafiri kuelekea mji mkuu wa Jamhuri ya Kongo, Kinshasa wakati ilipopinduka na kuua watu waliokuwemo.

Wizara ya habari ya Kongo, imethibitisha vifo vya watu 80 kati ya watu 140 ambao wanahofia kupoteza maisha ndani ya boti hiyo.

Hili si tukio la kwanza kutokea katika mji wa Bandundu, mwezi novemba mwaka jana, boti nyingine ya abiria ilizama kwenye ziwa Mai-Ndombe lilipo kwenye mji huo na kupelekea watu 73 kupoteza maisha yao.

Avaa Gauni la Spinachi Kupinga Watu Kula Nyama

Mwanamama wa nchini Kenya ambaye anapigania watu waache kula nyama na badala yake wawe wanakula mboga za majani, alikuwa kivutio mitaani alipovaa gauni lililotengenezwa kwa majani ya spinachi.
Michelle Odhiambo alivaa gauni refu lililotengenezwa kwa majani ya spinachi na kupita kwenye mitaa ya Nairobi akipiga kampeni ya kuwahamasisha watu waache kula nyama choma.

Michelle ambaye ni mwanaharakati wa shirika la kutetea haki za wanyama alisema kuwa aliacha kula nyama za aina zote miaka minane iliyopita.

Michelle aliwahimiza wamiliki wa mahoteli waache kupika vyakula vyenye nyama na badala yake watumie mboga za majani.

Hata hivyo kampeni yake ya kupinga ulaji wa nyama inakabiliwa na upinzani mkubwa hasa kwa kuzingatia kuwa mapishi bila nyama huhusishwa na umaskini nchini Kenya. Watu wenye pesa hupenda kujionyesha kwa kula nyama katika vyakula vyao.

Michelle alisema kuwa chakula ambacho hutumiwa kulisha wanyama wanaochinjwa kinaweza kutumiwa kulisha watu wengi.

Michelle pia alihoji tabia ya watu kuwahasi wanyama na kuwachinja bila ya kutumia dawa za kupunguza maumivu.

"Hii ni haki kweli?", aliuliza Michelle.

Sitta akamatwa na Takukuru

WAZIRI wa Maendeleo ya Jamii, Jinsia na Watoto, Margaret Sitta, amekamatwa na Taasisi ya Kuzuia na Kupambana na Rushwa (Takukuru) mkoani Tabora, akikabiliwa kutaka kugawa rushwa katika maandalizi ya uchaguzi.
Kwa mujibu wa taarifa iliyotolewa jana na Naibu Kamanda wa Takukuru mkoani Tabora, Bruno Rwenyagira, ilisema kuwa Waziri Sitta alikamatwa juzi, majiara ya saa 7.45 mchana baada ya maofisa wa Taasisi hiyo kumfuatilia nyendo zake toka alipowasili mkoani humo.

Rwenyagira alisema kuwa, Sitta alikamatwa juzi akiwa na simu zipatazo saba aina ya NOKIA, bahasha 147 pamoja na fedha taslimu Shilingi. milioni moja na elfu kumi na tano 1,015,000.

Taarifa hiyo iliendelea kusema kuwa kutokana na Takukuru kumfatilia kwa kipindi kirefu toka alipowasili mkoani humo na kufatilia gari alilikuwa akilitumia aina ya Toyota Surf lenye namba za usajili T339ANL walibaini hayo na nWaziri huyo alipogundua hayo alihama hoteli aliyofikia na kuhama hapo.

Hata hivyo maofisa hao waliendelea kumfuatilia na kufanikiwa kumkamata majira ya saa 7.45 mchana juzi na taarifa hiyo kurushwa kwenye vyombo vya habari.

Waziri Sitta ni mke wa Spika wa Bunge la Jamuhuri ya Muungano wa Tanzania, anawania uongozi ndani ya Umoja wa Wanawake Tanzania [UWT]