Pasaka ya Kikristo

Pasaka ya Kikristo ni sikukuu ya kukumbuka kufufuka kwake Yesu Kristo siku ya tatu baada ya kusulibiwa kwake. Inahesabiwa kuwa sikukuu muhimu kabisa katika Ukristo.





Jina la Pasaka

Jina la "Pasaka" limetokana na sherehe ya Pasaka ya Kiyahudi linaloitwa "פסח" (tamka: pasakh) kwa lugha ya Kiebrania. Kwa Kiswahili majina ya sherehe za Kikristo na Kiyahudi hazitofautiani. Asili yake ni ya kwamba kusulibiwa na kufufuka kwa Yesu Kristo kumetokea wakati wa sikukuu ya Pasaka ya Kiyahudi mnamo mwaka 30 BK. Wakristo wa kwanza ambao wote walikuwa Wayahudi walisheherekea sikukuu ya kiyahudi pamoja na kumbukumbu kwa ufufuo wa Yesu. Baadaye sherehe na pia tarehe zikawa tofauti.





Tarehe ya Pasaka

Tarehe ya Pasaka inafuata mwezi kwa hiyo sikukuu hiyo haina tarehe imara katika kalenda ya kawaida. Inapatikana katika Machi au Aprili. Mtaguso au Sinodi Kuu ya Nikea mwaka 325 BK iliamua ya kwamba Pasaka itasheherekewa Jumapili ya kwanza baada ya mwezi mpevu wa kwanza baada ya Machi 21 (tarehe ya sikusare machipuo ambayo ni siku ya usawa wa mchana na usiku hivyo mwanzo wa majira ya kuchipua katika kaskazini ya dunia). Kwa sababu mwezi mpevu baada ya Machi 21 inaweza kutokea kati ya Machi 22 na Aprili 19 tarehe ya Pasaka ambayo ni Jumapili inayofuata hutokea kati ya Machi 22 na Aprili 25.

Katika Ukristo kuna kalenda mbili zinazotumika hivyo pia tarehe mbili za Pasaka. Makanisa ya magharibi yaani Wakatoliki na Waprotestant hufuata Kalenda ya Gregori (ambayo imekuwa kalenda ya kawaida ya kimataifa), lakini Waorthodoksi wanaendelea kutumia kalenda iliyotangulia yaani Kalenda ya Juliasi.












Makombora yabomoa makaazi ya Gaddafi

Mapigano makali yanaendelea mjini Misrata licha ya serikali kutangaza kusitisha mashambulio dhidi ya waasi

Ndege za kijeshi za shirika la Nato zimeangusha makombra kwenye mkaazi ya Kanali Muammar Gaddafi mjini Tripoli.

Walioshuhudia wanasema makombora hayo yamesababisha uharibifu mkubwa kwenye eneo Bab al Azizia.

Milipuko hiyo inasemekana kuwa mikubwa zaidi kusikika mjini Tripoli na ilisababisha vituo viwili vya kitaifa vya televesheni kukatiza matangazo yao kwa muda wa nusu saa.

Matangazo ya vituo hivyo Jamahiriya na Shababiya yalikatizwa muda mfupi baada ya saa sita usiku baada ya shambulio hilo la Nato mjini Tripoli.

Majeshi ya Nato yamekuwa yakishambulia majeshi na kambi za jeshi za Kanali Gaddafi baada ya kuidhinishwa na baraza la usalama la Umoja wa Mataifa. Nia ikiwa kuwalinda raia wa Libya waliokuwa wakilengwa na majeshi.

Awali, Kiongozi wa Upinzani, Mustafa Abdel Jalil amesema Kuwait imekubali kuwapa dola milioni 180 kama msaada, huku wakiendelea na mikakati ya kupambana na majeshi ya serikali ya kanali Gaddafi.

Bw Jalili ambaye pia ni Mkuu wa baraza la kitaifa la serikali ya mpito nchini Libya, amesema wanahitaji msaada huo wa kifedha kwa wakati huu.

Kwengineko mapigano makali zaidi yameendelea mjini Misrata licha ya serikali kutangaza kuwa inasitisha mapigano.

Lakini msemaji wa serikali Moussa Ibrahim amesema jeshi linajibu mashambulizi kutoka kwa waasi.

Ijumaa Kuu

Ijumaa Kuu ni siku ya mwaka ambayo wafuasi wengi wa Yesu Kristo wanaadhimisha kifo chake msalabani ambacho kilitokea nje ya kuta za mji wa Yerusalemu siku ya Ijumaa.

Kadiri ya Mtume Yohane kesho yake ilikuwa Sabato na pia Pasaka, jambo lisilotokea kwa kawaida. Kwa sababu hiyo wataalamu mbalimbali wanakadiria ilikuwa tarehe 7 Aprili 30.

Ijumaa kuu ni sehemu ya Juma Kuu linaloanza kwa adhimisho la Yesu kuingia mji huo akishangiliwa kama mfalme wa Wayahudi (yaani Masiya au Kristo). Adhimisho hilo linafanyika mwanzoni mwa wiki, yaani Jumapili ya matawi.

Ijumaa kuu ni pia sehemu ya siku tatu kuu za Pasaka zinazoadhimisha mateso na kifo chake, kulala kaburini, na hatimaye kufufuka kwa utukufu




Yesu

Yesu alikuwa Myahudi mwanamume aliyeishi miaka 2000 hivi iliyopita (labda 6 KK - 30 B.K.). Kutokana na umuhimu wake katika historia ya binadamu, kwa kawaida miaka yote inahesabiwa kwanzia ujio wake (ulivyokadiriwa kimakosa katika karne ya 6).



Mazingira yake

Nchi ambayo Yesu alizaliwa akafundisha ni nchi ileile ambayo Mungu aliwaahidia Waisraeli tangu zamani za Abrahamu, ni nchi ileile waliyoiteka chini ya Yoshua, ni nchi ileile waliyoirudia kutoka utumwani Babeli.

Lakini wakati wote wa Agano Jipya, yaani tangu Yesu alipozaliwa hadi mwisho wa maisha ya mitume wake, nchi hiyo haikuwa huru, bali chini ya himaya ya Warumi, ingawa pengine hao waliwakabidhi vibaraka, yaani watawala wenyeji waliowekwa na wakoloni.

Vibaraka hao ni Herode Mkuu (37 KK-4 KK) na wazawa wake, ambao tena hawakuwa Waisraeli halisi bali Waedomu ingawa kabila lao lililazimishwa kuingia dini ya Kiyahudi karne iliyotangulia. Ukoo huo unajulikana kwa ukatili, uchu wa madaraka na uzinifu wake.

Vilevile maliwali wa Kirumi waliowekwa pengine kutawala nchi au sehemu fulani walionyesha mara nyingi ukatili na dharau kwa Waisraeli na dini yao, hata kusababisha chuki na mapigano kati ya jeshi na wananchi. Mfano mmojawapo ni Ponsyo Pilato aliyesimamia Uyahudi kuanzia mwaka 26 hadi 36 B.K.

Mbali na hayo, utawala wa Roma, ulioenea Ulaya Magharibi na Kusini, Afrika Kaskazini na nchi za Mashariki ya Kati kupakana na Iraq ya leo, kwa jumla ulihakikisha hali ya amani kwa muda wote wa Agano Jipya na karne za kwanza za Kanisa. Hali hiyo, pamoja na umoja wa dola hilo lote, na urahisi wa mawasiliano kwa njia ya barabara zilizotengenezwa na Warumi, na uenezi wa lugha ya kimataifa (Kiyunani yaani Kigiriki cha zamani), ilichangia kasi ya uenezaji wa habari njema (Injili). Lugha hiyo ndiyo iliyotumiwa na waandishi wote wa Agano Jipya ili vitabu vyao viwafaidishe watu wengi zaidi, ingawa baadhi yao hawakuijua vizuri.

Lugha asili ya Yesu na ya Mitume ilikuwa Kiaramu ambacho ni jamii ya Kiyahudi na ambacho polepole kilishika nafasi yake kati ya Wayahudi kuanzia karne ya sita K.K. Hao wote walitokea mkoa wa Galilaya, uliokuwa na mchanganyiko wa watu (Waisraeli na mataifa), kiasi kwamba huko Wayahudi wenyewe walifuata kwa urahisi desturi za Kiyunani hata wakadharauliwa na wenzao wa Kusini (Yerusalemu na mkoa wa Yudea).

Kati ya mikoa hiyo miwili ulienea mkoa wa Samaria ambao wakazi wake walijenga uadui mkubwa na Wayahudi baada ya uhamisho wa Babeli, walipokataliwa kuchangia ujenzi wa hekalu la pili la Yerusalemu.






Maisha yake


Dionisi Mdogo, mmonaki aliyeanzisha (mwaka 533 hivi) mtindo wa kuhesabu miaka kuanzia kuzaliwa Yesu kurudi nyuma (K.K.) au kwenda mbele (B.K.), alikosea hesabu zake. Leo tunakisia Yesu alizaliwa mwaka 6 hivi K.K. kwa sababu alizaliwa Bethlehemu chini ya

Mkuu aliyefariki mwaka 4 K.K.

Huyo alipojaribu kumuua mtoto Yesu, familia takatifu ilikimbilia Misri mpaka baada ya kufa kwake. Hapo ikarudi Galilaya hata Yesu akajulikana kwa jina la kijiji cha Nazareti kilichodharauliwa na Wagalilaya pia. Ndipo alipokulia na kuishi akifanya kazi ya ufundi.

Mwaka 26 hivi B.K. ndugu yake Yohane Mbatizaji aliacha maisha ya jangwani na kuanza kuhubiri toba kandokando ya mto Yordani. Kwa kuwa Waisraeli walikosa manabii kwa muda mrefu, na walitamani sana ukombozi, walimuendea kwa wingi hata wakamtia hofu Herode Antipa.

Ingawa huyo akamfunga mapema akamuua, kazi ya Yohane ilikuwa imetimia kwa sababu aliweza kuwaandaa Waisraeli wengi (hasa watu wadogo na wakosefu) wampokee Yesu aliyebatizwa naye. Katika nafasi hiyo Yohane alimtambulisha kama Mwanakondoo wa Mungu aondoaye dhambi ya ulimwengu.

Ndipo Yesu naye alipoanza kuhubiri, lakini pia kutenda miujiza ya kila aina, akapata haraka wafuasi wengi. Kati yao akachagua Mitume wake 12 kama msingi mpya wa taifa la Mungu. Alifanya kazi hizo kuanzia Galilaya, akitangaza ujio wa ufalme wa Mungu, kwa maana ya kwamba ufalme uliotazamiwa na Wayahudi umewajia kwa njia yake.

Ingawa hakupitia shule yoyote ya Biblia, Yesu alionekana anafundisha vizuri kuliko walimu wa sheria wa kawaida, kama mtu mwenye mamlaka juu ya Torati. Mafundisho yake yalilingana na yale ya Mafarisayo kuliko na yale ya Masadukayo, lakini alishindana pia na hao wa kwanza.

Kijicho na upinzani vikazidi hasa Yerusalemu, walipoanza kufanya njama za kumuua. Ingawa Yesu alijua hayo, alijikaza kwenda katika mji mtakatifu autangazie habari njema na kufia huko. Baada ya kupokewa kwa shangwe kabla ya sherehe ya Pasaka ya mwaka 30 (au 33) akakamatwa na baraza la Israeli kwa tuhuma ya kufuru ya kujilinganisha na Mungu, halafu akakabidhiwa kwa liwali wa Kirumi aliyekuwa na mamlaka ya kutoa adhabu ya kifo. Baada ya kikao ambapo Wayahudi walitafuta kisingizio cha kisiasa, Ponsyo Pilato akalazimika kuagiza Yesu asulubiwe, na kisha kufa kwake kaburi lilindwe na askari.

Hata hivyo siku ya tatu kaburi likaonekana tupu, na Yesu akaanza kuwatokea wanafunzi wake wa kike na wa kiume kwa muda wa siku arubaini, halafu akapaa mbinguni mbele ya macho yao.

Habari hizo zikatangazwa kwa sauti tu kwa miaka kadhaa, halafu zikaanza kuandikwa. Kanisa linaheshimu kwa namna ya pekee, kama ushuhuda mkuu juu ya maisha na mafundisho ya Yesu na kama moyo wa Maandiko matakatifu yote, Injili nne zilizoandikwa na Marko, Mathayo, Mwinjili Luka na Yohane kati ya mwaka 65 na 100 hivi.






Imani juu yake

Waumini wake wanaunda Kanisa la Kikristo ambalo linapatikana leo katika madhehebu mengi.

Karibu wote wanamwamini kuwa Mungu aliyechukua umbile la mwanadamu au, kwa lugha nyingine, kuwa Mwana wa Mungu. Wakristo wengine wanaamini kuwa yeye ni mtume wa pekee wa Mungu ila sio Mungu.

Katika dini ya Uislamu, Yesu anajulikana kama Nabii Isa. Waislamu wanaamini kuwa yeye alikuwa ni nabii wa Mungu ila hakuwa mwana wa Mungu wala Mungu. Vile vile waislamu hawaamini picha au Sanamu ya mtu ambae wakiristo wanamwita yesu.

Waislamu wanaamini kwamba hakuna picha hata moja ya mitume wa Mungu iliopatikana wala iliopo duniani. Wanadai kama ingelikuwepo picha ya mtume yeyote, basi watu wangevuka mpaka na kuanza kuabudu picha hiyo na kumsahau Mungu wao au wakachanyanya imani ya picha, mhusika pamoja na Mungu, kitu ambacho katika uislamu ni kumshirikisha Mungu na viumbe wake.

Waislamu wanaamini kwamba yesu alizaliwa kutokana na nguvu ya Mungu. Waislamu wanaamini kwamba yesu kuzaliwa bila ya Baba ni sawa na Adamu na Hawa kuwepo duniani bila BABA WALA MAMA. ADAMU na Hawa ndio binadamu wenye ukosefu wa BABA,MAMA wala walikuwa hawana ndugu,jamaa na marafiki katika maisha yao. bali wao Mungu aliwafanya kuwa chanzo chetu sisi binadamu.

Waislamu hawaamini kwamba yesu alikufa wala aliuliwa na wayahudi wenzake, bali waislamu wanaamini kwamba yesu aliondolewa katika Mateso ya Wayahudi, na yuko mbinguni upande wa kulia wa Mungu. Waislamu wanamini kwamba kuna siku yesu atarudi duniani na kutatuwa matatizo yalioko baina yao na dini nyingine.






Maadhimisho yakeMaisha yake yamekuwa msingi wa sikukuu mbalimbali

zinazosheherekewa katika nchi nyingi duniani, kama vile Noeli au Krismasi (kuzaliwa kwake), Epifania (kuonekana kwake na kubatizwa kwake), Majilio (kuandaliwa ujio wake), Kwaresima (mafungo na mateso yake), Ijumaa Kuu (kifo chake); muhimu kuliko zote ni Pasaka (kufufuka kwake).







Misingi ya ujuzi wetu juu yake

Papyrus P52, iliyoandikwa kwa Kigiriki mwaka 125 hivi, inahesabika kuwa andiko la zamani zaidi kutufikia kuhusu Yesu. Ina sehemu za Injili ya Yohane; mbele 18:31-33, nyuma 18;37-38


Yesu hakuacha maandiko yoyote. Habari zake zinapatikana hasa katika Biblia, kwa namna ya pekee katika Injili.

Nje ya Ukristo kuna habari fupi kuhusu Yesu katika maandiko ya waandishi Waroma, Wagiriki na Wayahudi. Habari hizi zinaangaliwa sana kwa sababu zimetungwa na watu wasiomwamini Yesu. Kwa ujumla zinathibitisha ya kwamba Yesu alikuwepo, alikuwa na wafuasi huko Roma na ya kwamba awali Waroma hawakuelewa tofauti kati ya wafuasi wake na Wayahudi. Muhimu ni hasa:

1. Mtaalamu Myahudi Flavius Josephus aliandika mnamo 90 B.K. kitabu cha „Antiquitates Judaicae“ (Habari za historia ya Kiyahudi) akitaja kifo cha „Yakobo ndugu wa Yesu“ (sura ya 20, 200).

2. Mwandishi Mroma Tacitus aliandika mnamo mwaka 117 ya kwamba Kaisari Nero alishtaki kikundi cha “Chrestiani” ya kuwa wamechoma moto mji wa Roma. Aliongeza: “Mtu ambaye ni asili ya jina hili ni Chrestus aliyeuawa wakati wa Tiberio kwa amri ya Pontio Pilato” (Annales XV,44).

3. Mwandishi Mroma Svetonius alimtaja “Chrestos” katika kitabu chake juu ya maisha ya Kaisari Claudius (25,4) ya kwamba huyu amesababisha fujo kati ya Wayahudi wa Roma hivyo Kaisari aliwafukuza mjini.

4. Mwanasiasa Mroma Gaius Plinius Caecilius Secundus aliacha barua kadhaa zinazotaja Wakristo mnamo mwaka 100 B.K. Alimwuliza Kaisari Traianus jinsi ya kushughulikia Wakristo waliokataa kutoa sadaka mbele ya sanamu za Kaisari.













Marekani kufanya mashambulizi Libya

Robert Gates
Waziri wa Ulinzi wa Marekani, Robert Gates amesema ndege za kivita zisizokuwa na rubani zinatekeleza mashambulizi ya anga nchini Libya.

Gates amesema utumizi wa ndege hizo uliidhinishwa na rais Obama na kwamba zitaongeza uwezo wa wanajeshi wa muungano wa NATO katika harakati zao za kijeshi nchini humo.

Waasi nchini Libya, wamekuwa wakipambana na wanajeshi wa Kanali Gadaffi tangu mwezi Februri mwaka huu, lakini wameanza kupiga hatua ndogo.

Katika kikao na waandishi wa habari mjini Washington, Gates amesema kwamba rais Obama aliidhinisha utumizi wa ndege hizo maalum zisizo na rubani kama mchango wao na pia kudhihirisha uwezo wao wa kijeshi.

Ndege za kivita za Marekani
Amesema ndege mbili zitakua chini ya usimamizi wa NATO kwa saa 24 kila siku.

Bwana Gates, amekanusha madai kuwa kutumwa kwa ndege hizo ni ishara ya Marekani ya kujiunga na Muungano wa NATO katika harakati zake za kijeshi nchini Libya, kwa njia ya siri.

Ndege hizo maalum za kurusha makombora zinatumika kuwalenga wapiganaji wa waasi katika mipaka ya Pakistan na Afghanistan.

Idara ya ulinzi ya Marekani imesema ndege hizo zitakuwa na uwezo wa kuwatambua wanajeshi wa Gadaffi ikiwa watajificha ndani ya magari ya kibinafsi au wakiingia kwenye maeneo ya makaazi ya watu.

Ndege hizo zina uwezo wa kupaa muinuko wa chini kuliko ndege zingine za kivita na hivyo kuifanya bora katika juhudi za kijasusi na kufanya mashambulio, kwa kuwa ni vigumu kwa ndege hizo kuonekana kwenye mtambo wa rada.

Wataalamu wanasema hii ni ishara tosha kuwa Marekani inajihusisha zaidi katika mzozo huo nchini Libya.

Biden, Putin discuss trade, missile defense

by Staff Writers

Washington (AFP) April 21, 2011
US Vice President Joe Biden and Russian Prime Minister Vladimir Putin on Thursday discussed Moscow's goal of joining the World Trade Organization and missile defense cooperation, the White House said.
Biden and Putin talked about "the Obama administration's commitment to terminate" the application to Russia of a Cold War-era US law that blocks certain non-market economies that restrict emigration from joining the WTO.

They also discussed "next steps on missile defense cooperation" and "agreed on the importance of continuing momentum in relations between the United States and Russia," according to a White House statement.

"Vice President Biden underscored the continued need for cooperation between the United States and Russia on global security issues and pledged to continue to work with Russia on facilitating travel between our two countries," it said.

Moscow needs Washington to stop applying the so-called Jackson-Vanik law to Russia in order to gain US "permanent normal trade relations" -- and be cleared for WTO accession.

Russia is the last major economic power to lack WTO membership.

The conversation came a day after Putin needled the United States over its deficits and national debt and accused Washington of "behaving like a hooligan" by flooding world markets with devalued dollars.

"Look at their trade balance, look at the budget deficit, at the debt of the United States," Putin said in closing comments to his annual address to parliament.

"We have none of that -- and, I hope, we never will," Putin said to a strong round of applause.

.



Mpinzani Nigeria apinga matokeo

Hoteli iliyopigwa bomu Kaduna




Mpinzani mkuu katika uchaguzi wa urais Nigeria, Jenerali Muhammadu Buhari, amesema kulikuwa na hila iliofanywa kwenye uchaguzi wa Jumamosi.

Bw Buhari ambaye aliwahi kuwa mkuu wa majeshi aliiambia redio ya Marekani kuwa kuna maeneo upande wa kusini wenye wafuasi wake wengi hawakuruhusiwa kupiga kura.

Lakini alisema chama chake kitapinga matokeo kwa mujibu wa sheria na kusihi kuwepo kwa amani baada ya ghasia kuibuka upande wa kaskazini kufuatia Goodluck Jonathan, aliyetoka kusini, kushinda.

Shirika la msalaba mwekundu limesema watu 48,000 kwa sasa wamekimbia vurugu hizo.

Katika jimbo la Kaduna, vyanzo vya polisi vimeiambia BBC takriban watu 400 wamekamatwa wakihusishwa na mapigano hayo.

Mwandishi wa BBC Abdullahi Kaura Abubakar amesema kwa sasa hali imetulia kwenye mji wa Kaduna, ambapo mitaa imejaa maiti zilizochomwa moto na wengine wakachoma makanisa, vituo vya polisi pamoja na nyumba baada ya siku mbili za ghasia.

Alisema, mapigano yanaendelea katika maeneo mengine ya jimbo hilo na majeshi ya usalama yamesambazwa zaidi maeneo hayo.

Bw Jonathan alitangazwa kuwa mshindi kwenye uchaguzi wa rais siku ya Jumamosi, huku tume ya uchaguzi ikisema kapata takriban asilimia 57 ya kura zote ambayo ni kura milioni 22.5 ukilinganisha na kura milioni 12.2 za Bw Buhari.

Waangalizi wa kimataifa walisema uchaguzi huo ulikuwa huru na wa haki.










Waasi wakataa kuweka silaha chini Libya

Wapiganaji wa Waasi nchini Libya
Upinzani nchini Libya, umekataa pendekezo la hivi punde kutoka kwa serikali ya Kanali Muammar Gaddafi, la kuwataka kuweka silaha chini.

Msemaji wa baraza la mpito linalodhibiti mji wa Benghazi, amesema kuwa wapiganaji wa upinzani wataendelea na vita dhidi ya vikosi vya Kanali Gaddafi.

Msemaji wa kundi hilo la upinzani, Abdul Hafeel Ghoga, amewaambia waandishi wa habari kuwa Kanali Gaddafi, amependekeza mkataba huo wa kusitisha mapigano, kwa sababu wanajeshi wake wanaendelea kuangamizwa kwenye mashambulio ya anga yanayotekelezwa na wanajeshi wa NATO.

Lakini Bwana Ghoga, amesema upinzani hauwezi kusimamisha mashambulio yake dhidi ya wanajeshi wa serikali.

Akizungumzia pendekezo la kuafikiwa kwa mkataba wa kisiasa ambao utaruhusu kiongozi wa Libya, Kanali Gaddafi na familia yake kusalia nchini humo, Ghoga amesema hilo haliwezekani.

Msemaji huyo wa upinzani amesema, kwa sasa hakuna mzozo wa kijeshi nchini humo.


Amesema kuongezwa kwa mashambulio ya anga yanayofanywa na wanajeshi wa NATO, kumeimarisha hali kwa waasi wanaopinga serikali ya Gadaffi.

Huku hayo yakijri, mtengenezaji filamu mmoja aliyeteuliwa kuwania tuzo la filamu maarufu kama Oscars, ameuawa mjini Misrata.

Tim Hetherington
Tim Hetherington, ambaye ana uraia wa Uingereza na Marekani aliuawa kwenye shambulio kati kati mwa mji huo ambao umeendelea kushuhudia mapigano makali kati ya wanajeshi watiifu kwa Kanali Gaddafi na wale wa waasi.

Hetherington alikuwa mmoja wa wasimamzi wa filamu ya Resrepo iliyotengenezwa kuhusu vita vya Afghanistan.

Filamu hiyo iliteuliwa kuwania tuzo la oscar mwaka huu.

Mwandishi mwingine Chris Hondros, raia wa Marekani ambaye alikuwa miongoni mwa waliojeruhiwa kwenye shambulio hilo, aliaga dunia akipokea matibabu hospitalini.

Ripoti zinasema mwandishi mwingine wa habari pia alijeruhiwa kwenye shambulizi hilo

Maelfu wakimbia machafuko Nigeria

Maelfu ya watu wamekimbia nyumba zao kaskazini mwa Nigeria baada ya ghasia kuzuka kufuatia kuchaguliwa kwa Rais Goodluck Jonathan

Ghasia katika eneo la Kaduna


Shirika la Msalaba Mwekundu limeiambia BBC kuwa watu wapatao 16,000 wamekimbia makazi yao katika majimbo sita upande wa kaskazini, ambapo pia baadhi ya raia walilala katika kituo cha polisi kwa ajili ya usalama wao.

Bw Jonathan ametoa wito wa kumalizika kwa ghasia, na kutangaza hali ya kutotembea usiku

Ghasia katika eneo la Kano


Mpinzani wake mkuu, Jenerali Muhammadu Buhari, ambaye anatokea upande wa kaskazini, ameiambia BBC kuwa ghasia hizo zinasikitisha, hazina msingi na ni uhalifu.

Baadhi ya wanaofanya ghasia wanadai ulifanyika wizi wa kura, lakini kiongozi huyo wa zamani wa kijeshi amesema anataka kutojihusisha yeye na chama chake katika ghasia.

"Katika saa 24 zilizopita, kumekuwa na ghasia nchini: hii imehusisha kuchoma moto kanisa na inasikitisha, na pia haikuwa na ulazima," amesema katika taarifa yake.

"Lazima nisisitize kuwa kinachotokea sio suala la kikabila au la kidini."

Machafuko Kano, Kaskazini mwa Nigeria


Bw Jonathan, anayetokea upande wa kusini, alitangazwa kuwa mshindi wa uchaguzi wa urais wa Jumamosi, huku tume ya uchaguzi ikisema alipata takriban 57% ya kura milioni 22.5 zilizopigwa, na Jenerali Buhari akipata kura milioni 12.2.

Waangalizi wa kimataifa wamesema uchaguzi ulikuwa huru na wa haki











Wajane wa India wapigwa mpaka kufa

Ramani ya India
Wajane wawili wa kike wamepigwa mpaka kufa na mtu mmoja katika jimbo la Haryana lililopo kaskazini mwa India.

Polisi ilimkamata mtu mmoja mwenye umri wa miaka 23, mpwa wa mmoja wa wanawake hao. Alikuwa katika kifungo cha nje baada ya kutumikia kifungo cha gerezani kwa makosa ya ubakaji.

Walioshuhudia waliwaambia polisi alimwuua shangazi yake na mwanamke mwengine huku wanakijiji wote wakishuhudia, baada ya kuwashutumu kuwa katika uhusiano wa mapenzi ya jinsia moja.

Haryana ni eneo lenye msimamo mkali sana na lenye mfumo dume.

Waandishi walisema kile kinachoitwa "kujiua kwa heshima" ni jambo la kawaida eneo hilo.

Walisema kumekuwa na matukio kadhaa kwenye eneo hilo la kijiji la Haryana ambapo wanawake na wanaume wanaokana mila na heshima za kifamilia hutengwa, huuliwa au hata kuuliwa kiholela hadharani.

Mauaji ya hivi karibuni yalifanyika siku ya Jumapili katika kijiji cha Ranila.

Iliripotiwa kuwa anayeshutumiwa alianza kumpiga mwanamke mojawapo, aliyetambulika kwa jina la Suman mwenye umri wa miaka 35, na rungu la mbao baada ya kumshutumu kuwa na "uhusiano usio wa kawaida" na shangazi yake Shakuntala.

Dakika chache baadae, alimburuta shangazi yake kwenye mitaa ya kijiji hicho na kumpiga mpaka kufa mbele ya wanakijiji wote waliokuwa wakiogopa kuingilia, waandishi walisema.

Wawili hao walitoka damu mpaka kufa huku wanakijiji wakiangalia.

Afisa wa polisi alisema, "Aliwatishia wanavijiji wengine kutowasaidia wajane hao na hata kuita madaktari."

Alisema aliwaua wanawake hao kulinda "heshima ya familia."









Wafanyakazi wa kutoa misaada ruhsa Libya

Mtoto aliyejeruhiwa Misrata
Kulingana na Umoja wa Mataifa, serikali ya Libya imeahidi kutoa ruhusa kwa wafanyakazi wa kutoa misaada katika maeneo inayodhibiti.

Maafisa wa umoja huo wamesema makubaliano hayo yanawaruhusu wafanyakazi wanaotoa huduma za kibinadamu kuwepo kwenye mji mkuu, Tripoli, na kuingia na kutoka wakati wowote nchini humo.

Wakati huo huo, takriban watu 1,000 walioondolewa kutoka Misrata wamewasili katika eneo linaloshikiliwa na waasi la Benghazi.

Majeshi yanayomwuunga mkono Gaddafi yamekuwa yakishambulia Misrata kwa siku kadhaa sasa na mamia ya watu wanadhaniwa kufariki dunia.

Walioondolewa wamesafirishwa kwa kutumia meli iliyoandaliwa na shirika la kimataifa la kutoa misaada la IOM, linalosema wengine kwa maelfu bado wanasubiri kuokolewa.











Aliyeichoma Moto Quran Atupwa Jela Siku 70

Mwanaume mmoja wa nchini Uingereza ambaye aliiba msahafu toka maktaba na kisha kuuchoma moto msahafu huo mbele ya mamia ya watu amehukumiwa kwenda jela siku 70.
Andrew Ryan mwenye umri wa miaka 32 aliiba msahafu toka kwenye maktaba ya mji wa Cumbria na kisha kwenda katikati ya mji na kuuchoma moto msahafu huo kwenye eneo ambalo kulikuwa na maduka mengi.

Andrew alilifanya tukio hilo mwezi januari mwaka huu akidai analipiza kisasi kwa vitendo wanavyofanyiwa wanajeshi wa Uingereza nchini Afghanistan.

Andrew ambaye ana historia ya kufikishwa mahakamani mara sita kwa makosa tofauti tofauti likiwemo kosa la kutoa kauli za ubaguzi wa rangi kwenye mechi ya soka, alihukumiwa kwenda jela siku 70.

Akitoa hukumu ya kesi hiyo, jaji Gerald Chalk alimwabia Andrew: "Wewe ni mtu mwenye historia ya kufanya matukio ya uhalifu na kuvunja sheria".

"Uliamua kufanya kosa hili kubwa na kuwavunjia heshima waislamu", alisema jaji Chalk.

Andrew aliambiwa kuwa anaruhusiwa kuonyesha hisia zake hadharani lakini si kwa kufanya kitendo ambacho kitasababisha ukosefu wa amani kwenye jamii.

Andrew alikiri kosa la kufanya kitendo cha kueneza chuki za dini na pia alikiri kufanya wizi kwa kuiba msahafu toka kwenye maktaba ya manispaa










Kenya waandamana kupinga kupanda kwa bei




Wanachama wa mashirika ya kijamii pamoja na raia waliandamana katika miji mbali mbali nchini Kenya,kupinga kupanda kwa gharama za maisha

mmoja wa waandamanaji


Hali hii imejiri baada ya bei ya mafuta kupanda wiki iliopita jambo ambalo limeathiri bei za bidhaa zengine muhimu.

Mjini Nairobi waandamanaji waliandamana kutoka uwanja maarufu wa Uhuru wakibeba mabango yenye ujumbe tofauti kusisitiza kilio chao.

''Tumeamua leo ni leo,njaa inauma hapa huku wakubwa wakiendelea kunona, sisi tumejitokeza kwa wakenya wote lazima watimize haki yetu, wakenya wanaumwa njaa hadi wanafariki dunia", alisema mmoja wa waandamaji.

Salama

Katika maeneo mengi maandamano yalikuwa ya amani huku polisi wakiongoza wale waliokuwa wakiandamana.

Mji wa Nairobi ambao kwa kawaida una matatizo ya foleni ndefu za magari,foleni ilikuwa ndefu zaidi wakati waandamanaji walipokuwa wanapita barabarani na mara nyingi polisi walisaidia kuweka barabara kuwa salama.

Ugumu wa maisha

Kwa zaidi ya saa moja walipita katika barabara za Nairobi hadi katika ofisi za waziri wa fedha,waziri mkuu,ofisi ya rais na kufikisha ujumbe wao bunge.

Mmoja wa wabunge aliahidi kuwasilisha malalamiko bungeni,''Nawahakikishia kwamba tuko pamoja naomba nipokee hayo malalamiko yenu na niwasilishe bungeni kwa niaba yenu'', Mbunge Ababu Namwamba aliahidi.

Raia hao pia walitaka waziri wa fedha Uhuru Kenyatta na mwenzake wa kawi Kiraitu Murungi kujiuzulu kwa kile walichokiita kushindwa kuwalinda wakenya na ugumu wa maisha







Museveni aonya mataifa ya Magharibi


Rais Museveni wa Uganda amelaani hatua ya nchi za magharibi kuingilia kati masuala ya Afrika na kuonya kuwa jambo hilo watalivalia njuga.

Rais Yoweri Museveni



Bw Museveni pia amekanusha madai kuwa Muungano wa Afrika umeshindwa kushughulikia migogoro ya Afrika hususan suala la Libya.

Bw Museveni ameyasema hayo mwishoni mwa juma alipokutana na waandishi habari nyumbani kwake Rwakitura, magharibi mwa Uganda, ambapo amezungumzia masuala mbalimbali ya ndani na nje ya nchi.

Mashambulizi

Hii ni mara ya kwanza kwa rais Museveni kukutana na waandishi wa habari wa Uganda na wa kimataifa, tangu achaguliwe tena kuliongoza. Amezungumzia masuala mbalimbali.

Alizungumzia suala la Libya - ambapo yeye ni rafiki wa Kanali Muammar Gaddafi - inayokabiliwa na upuinzani sio tu kutoka kwa raia wa mashariki mwa nchi lakini pia na mashambulizi ya anga ya Nato.

Bw Myuseveni alisema mashambulizi hayo ni hatua ya mataifa ya Ulaya kujiingiza katika masuala ya Afrika.

Ukoloni mamboleo

Alisema kuwa hii ni hatua mpya wakati huu japo walikuwa wanafanya hivyo wakati wa nyuma.

Ameongeza kuwa Afrika itaweza kushinda watu wanaotaka kuleta alichosema "ukoloni mamboleo kama ilivyofanya kupambana na ukoloni siku za nyuma".

Bw Museveni amesema mataifa ya magharibi yalifanya vibaya kutohusisha Muungano wa Afrika.

Ameonya

Mwandishi mmoja alipendekeza kuwa huenda uingiliaji huo wa mataifa ya magharibi ulichochewa na kujivuta kwa muungano wa Afrika.

Museveni alipinga hoja hiyo, akisema muungano wa Afrika umefanya mengi, kama vile kuipatia uhuru Afrika kusini, kumfukuza Idi Amin kutoka Uganda na pia suala la Libya na Ivory Coast.

Alisema muungano huo ungeweza kutatua suala la Libya.

Aidha ameonya kuwa ikiwa nchi za Ulaya hazitakoma kuingilia kati masula ya Afrika wajitayarishe kwa kile alichoita "Vietnam nyingine".










Mkurugenzi Sunrise Hotel kizimbani kwa mauaji

MKURUGENZI wa Hoteli ya Kitalii ya Sunrise Beach ya jijini Dar es Salaam,

Bw. Salim Nathoo (53), amepandishwa kizimbani jana katika Mahakama ya Wilaya ya Temeke kwa kosa la mauaji.


Nathoo ambaye ni mkazi wa Mikocheni ‘A’ alisomewa shtaka hilo mbele ya Hakimu Mkazi Khasim Mkwawa wa mahakama hiyo.
Mshitakiwa wa pili katika kesi hiyo alitambulika kwa jina la John Mwangiombo (32).

Upande wa Mashitaka uliongozwa na Mwendesha Mashtaka, Inspekta wa Polisi Dastan Kombe na kudai kuwa, washitakiwa hao walitenda kosa hilo Aprili 10 mwaka huu majira ya saa 6.30 usiku eneo la Mjimwema Kigamboni.

Washitakiwa hao walishirikiana kwa pamoja kumpiga na kumchoma moto kijana Lila Hussen (34) na kumsababishia kifo kwa kumuhisi mwizi mara alipoingia hotelini hapo

Washitakiwa hao hawakutakiwa kujibu lolote mahakamani hapo kwa kuwa Mahakama hiyo haikuwa na uwezo wa kusikiliza na kesi hiyo.
Kesi iliahirishwa hadi Mei 2, mwaka huu kwa kutajwa tena na washitakwia watakwenda kujibu shtaka hilo mahakama kuu.

Awali imedaiwa kuwa marehemu Lila alichomwa moto na washtakiwa hao baada ya kuingia hotelini hapo kwa ajili ya kuwatafuta wageni wake raia wa kigeni aliowasindikiza hotelini hapo jana yake na mara alipoingia hotelini hapo kwa kuwa hakuwa na muonekano mzuri wa hadhi ya kua hotelini hapo mmiliki huyo alitoa agizo la kukamatwa kijana huyo kwa kudai ni mwizi na baadae walimmwagia mafuta na kumvisha tairi na kumchoma moto na alianza kuungua huku wageni wake wakiwa hawajui kinachoendelea.

Taarifa ziliwafikia jamaa zake anaofanya nao kazi maeneo ya feri na walifika hapo na kumuokoa kijana huyo na kumkimbiza Hospitali ya Taifa ya Muhimbili (MNH) kwa matibabu.

Na muda machache baadae mkurugenzi huyo alipogundua kuwa si mwizi na kuona alifanya makosa alianza hatua za kukimbia nchini na aliwezwa kukamatwa Uwanja wa Ndege wa Mwalimu Nyerere na kufikishwa kituo cha polisi









Mwalimu Achinja Watoto na Mama Yao Dar

UPEPO wa mauaji unazidi kushika kasi siku hadi siku na kutishia amani, Mwalimu wa Shule ya Sekondari Mondo, Wilayani Kondoa, Bw.Kassim Bindo (25), anatuhumiwa kuua watoto wawili na kujeruhi mama wa watoto hao kwa kuwachoma kisu tumboni.
Tukio hilo la kikatili lilitokea jijini Dar es Salaam eneo la Kipunguni ‘B’ majira ya saa 5 usiku wa kuamkia jana, baada ya mwalimu huyo kuwachoma kisu tumboni watoto hao na kisha kumchoma kifuani mama yao.

Watoto waliokufa katika tukio hilo walitambulika kwa majina ya Mwanamkasi Shabani (4), Asha Shabani na mama yao Kuruthum Shabani [28].

Akizungumzia tukio hilo, Kamanda wa Polisi Mkoa wa Ilala, Faustine Shilogile, amesema mtuhumiwa hajapatikana kwa kuwa alitoroka baada ya dakika chache baadae mara baada ya kufanya mauaji hayo.

Kamanda Shilogile alisema kuwa baba mzazi wa mtuhumiwa aliithibitishia polisi kuwa mwanae huyo miaka ya nyuma aliwahi kulazwa hospitali ya Muhimbili kwa muda unaozidi wiki tatu kutokana na matatizo ya afya ya akili.

Mtuhumiwa huyo alifanya mauaji hayo Kipunguni nyumbani kwa baba yake mzazi majira ya usiku. Watoto waliouliwa walikuwa ni wa kaka yake na mtuhumiwa.

Mtuhumiwa huyo inadaiwa ni mwalimu huko mkoani Dodoma.

Babu wa watoto hao amedai kuwa mazishi ya watoto hao yanatarajiwa kufanyika leo.










Dr Besigye wa Uganda akamatwa tena

Dr Kiiza Besigye
Kiongozi wa upinzani wa Uganda Kiiza Besigye amekamatwa karibu na nyumba yake baada ya kudhamiria kujiunga na maandamano mapya kupinga kupanda kwa gharama za maisha.

Wiki iliyopita pia alikamatwa kutokana na kampeni ya "kutembea kazini" kwa makundi na kupigwa risasi mkononi baada ya kuibuka ghasia baina ya polisi na wafuasi wake.

Viongozi wengine wa upinzani nao wamekamatwa kutokana na maandamano hayo yaliyopangwa kufanyika kila Jumatatu na Alhamis.

Mwishoni mwa juma, Rais alielezea mpango huo kuwa wa "kipumbavu" na kinyume cha sheria.

Dr Besigye alishindwa na matokeo yake Rais Yoweri Museveni aliibuka mshindi katika uchaguzi wa mwezi Februari huku akidai uchaguzi huo ulifanyiwa hila.

Ameshindwa mara tatu na Bw Museveni katika uchaguzi wa rais, akiwa ameongeza asilimia 26 zaidi ya asilimia 68 za rais huyo mwezi Februari







Babu wa Loliondo Asistisha Kugawa Vikombe Pasaka

Babu wa Loliondo akigawa vikombe Tuesday, April 19, 2011 12:09 PM
MCHUNGAJI mstaafu Ambilikile Mwaisapile [78] awataka wale wanaoshughulikia vibali kwa wageni kuingia kijijini Samunge kwa ajili ya huduma usitishwe kwa muda ili aweze kuadhimisha kumbukumbu ya mateso ya Bwana Yesu Kristu
Mchungaji huyo amesema hataweza kutoa huduma ya uponyaji kuanzia siku ya Ijumaa Kuu na Pasaka yenyewe ili kupisha kumubukumbu hiyo.

Hivyo aliwataka watu wafuate na kuheshimu utaratibu unaotolewa katika vituo hasa kwa wale wa Kanda ya Ziwa kwa kuwa kumeonekana kuwa na watu wengi toka ukanda huo.

Kutokana na hilo viongozi wa wilaya zinazoingiza watu kwenda Samunge wamesitisha kutoa vibali vya kuelekea huko ili kupisha watu waliopo huko kupungua na wagonjwa wametakiwa kuheshimu amri hiyo ya babu.









Uasi Burkina Faso wasambaa


Jeshi la waasi lililoibuka wiki iliyopita Burkina Faso, taifa lililopo magharibi mwa Afrika limeenea mpaka mji mwengine wa nne.

Basi limechomwa moto Burkina Faso


Maandamano yameanza katika mji wa Kaya kaskazini mwa nchi hiyo, kufuatia ghasia mjini Po na Tenkodogo.

Ghasia hizo zimeanza Alhamis iliyopita wakati maaskari na walinzi wa rais kwenye mji mkuu wa Ouagadougou walipopinga kutopewa posho ya nyumba.

Saa chache kabla vurugu hazikuibuka, maelfu ya watu waliandamana kupinga gharama kubwa za bei ya vyakula.

'Polisi wajiunga na uasi'
Rais Blaise Compaore, aliyewahi kuongoza mapinduzi tangu mwaka 1987, ameifukuza serikali na kumteua kiongozi mpya kuwa mkuu wa majeshi kujaribu kutuliza ghasia.

Serikali yake ilitoa onyo siku ya Jumapili kuwa walioasi watakabiliwa na "sheria kali".

Mwandishi wa BBC mjini Ouagadougou Mathieu Bonkongou alithibitisha ghasia hizo kufika mpaka mjini Kaya.

Iliripotiwa kuwa maaskari na polisi waliingia mitaani siku ya Jumapili jioni na kuanza kufyatua risasi angani mpaka muda wa asubuhi wa Jumatatu.

Vurugu hizo kwenye mji mkuu zimesababisha takriban watu 45 kujeruhiwa na kulazwa hospitali.

Mwezi Machi, baadhi ya askari walighadhibika na kufanikiwa kuwaachia huru wenzao wengi ambao walifungwa kutokana na ubakaji










Jeshi linashambulia Ajdabiya na Misrata

Taarifa kutoka Libya zinaeleza kuwa jeshi la Kanali Gaddafi, limekuwa likishambulia kwa mizinga mji wa Ajdabiya unaodhibitiwa na wapiganaji.



Walioshuhudia mashambulio hayo wanasema makombora zaidi ya 10 yalipiga karibu na mitaa ya magharibi ya mji huo, na kufanya wapiganaji wakimbie.

Baadhi ya taarifa zinasema jeshi la Kanali Gaddafi linakaribia Ajdabiya. Piya kulikuwa na ripoti kwamba jeshi hilo limeanza tena kushambulia kwa mabomu, mji wa Misrata, ulioko magharibi mwa nchi.

Msemaji wa upinzani alieleza kuwa watu 6 waliuwawa huko mapema hii leo.











Mutai ashinda London Marathon




Emmanuel Mutai amevunja rekodi na kuibuka mshindi wa London Marathon huku mwenzake Mary Keitani pia akishika nafasi ya kwanza katika mashindano ya wanawake

Emmmanuel Mutai


Mutai alivunja rekodi kwa kukimbia kwa saa 2:04:39 na Keitany alichukua ushindi kwa saa mbili, dakika 19 na sekunde 17.

Katika mashindano ya wanaume, Martin Lel alichukua nafasi ya pili, huku mwenzake kutoka Kenya, Patrick Makau, akimaliza katika nafasi ya tatu.

Wakenya walitwaa ubingwa kwa kuchukua nafasi zote tatu za kwanza katika mashindano hayo.

Bingwa mtetezi katika mashindano ya wanawake, Liliya Shobukhova kutoka Urusi, alichukua nafasi ya pili.

Ketiany, wa tatu kushoto


Keitany ambaye anashiriki katika mashindano haya kwa mara ya pili alionekana kudhibiti mkondo wa mwisho wa mbio hizo na kumshinda Shobukhova kwa karibu dakika moja.

Shobukhova alionekana kushabikiwa sana kuwa atashikilia ubingwa wake wa London Marathon na alikuwa akiongoza mwanzoni mwa mashindano hayo, lakini Keitany aliongeza kasi alipofika maili 15 na kuendelea hivyo hadi tamati.

Edna Kiplagat mwenye umri wa miaka 31 alichukua nafasi ya tatu na hii ni mara yake ya kwanza kushiriki katika mashindano haya ya riadha ya London Marathon.

Keitany alianza riadha mwaka 2007 kama mchochea kasi na aliibuka mwanamke wa 10 kukimbia kwa muda wa saa mbili na dakika 20.

Mwanariadha huyo sasa ana nafasi nzuri ya kushiriki katika Olympic Marathon mwaka 2012.










Slaa ataja mafisadi, Nape naye acharuka





KATIBU Mkuu wa Chadema,

Dk Willibrod Slaa na safu ya uongozi wa juu
wameorodhrsha ya majina ya wanaodai kuwa ni mafisadi katika mkutano wake aliofanya mkoani Tabora mwishoni mwa wiki iliyopita.
Dk. Slaa aliwataja mafisadi hao kwa majina ambayo (yamehifadhiwa) na kati ya majina hayo yumo Waziri Mkuu mstaafu ambaye amedai kuhusika na wizi wa fedha za Akaunti ya Madeni ya Nje (EPA).

Pia yumo Rais mstaafu na waziri mmoja aliyekuwa akitumikia Serikali ya awamu ya tatu na anaendelea na awamu hii kwa amemtuhumu kuuza nyumba za Serikali .

Wengine ambao wametajwa na Dk Slaa ni Katibu Mkuu wa zamani wa CCM ambaye amewahi kushika nyadhifa nyingine serikalini kwa tuhuma za kuhusika na EPA.

Wamo wafanyakazi wawili wa kampuni moja inayomilikiwa na kada mkongwe wa CCM ambao wanatuhumiwa kuchota mabilioni ya fedha kupitia Kampuni ya Kagoda.

Hivyo aliwataka wafisadi hao wajitokeze na serikali iwachukulie hatua za kisheria na kama Serikali imeshindwa kuwachukulia hatua yeye ataisaidia kwa kuwa ana ushahidi wa kutosha.


Wakati huohuo Katibu wa Itikadi na Uenezi, Nape Nnauye

kutoka Chama Cha Mapinduzi (CCM),ametangaza vita ya kuwataja mafisadi ambao wanataka kukichafua chama.

Nnauye ameyasema hayo katika mkutano wa hadhara uliofanyika viwanja vya Bahresa jijini Dar es Salaam na kusema chama hicho kimegundua mbinu za mafisadi za kutaka kumchafua Mwenyekiti Taifa wa chama hicho Rais Kikwete na familia yake kupitia vyombo vya habari.


Ametangaza vita hiyo kwa kuwataka mafisadi kuondoka kwenye Kamati Kuu ya chama hicho.


“Tutahakikisha mafisadi hao wataondoka ndani ya chama na tutahakikisha watang’oka kwani wana lengo la kuharibu chama cha CCM” alisema Nnauye

Aliwataka mafisadi waondoke kwa amani ndani ya chama hicho, na kuwaonya kuwa wasianzishe vita ambavyo hawataviweza na wakiendelea kunga’nga;ania atawataja hadharani

Nape ni Katibu wa Itikadi na Uenezi aliyechaguliwa na Halmashauri Kuu,, hivi karibuni mjini Dodoma nafasi ambayo alikuwa ikishikiliwa na John chiligati









Mawaziri wa zamani wa Misri watashtakiwa



Mkuu wa mashtaka wa Misri amesema kuwa waziri mkuu wa zamani, Ahmed Nazif, na mawaziri wengina wawili, watafikishwa mahakamani kwa mashtaka ya kutumia vibaya mali ya umma.

Afisa mmoja amesema mashtaka hayo yanahusu manufaa ya dola milioni 15, waliyopata Bwana Nazif, Youssef Boutrous Ghali, waziri wa fedha wa zamani; na Habib al-Adli, waziri wa zamani wa mambo ya ndani ya nchi.

Mwezi uliopita, ofisi ya mashtaka yalitoa idhini kuwa Bwana Adli achukuliwe hatua za kisheria, kwa sababu ya mauaji ya waandamanaji mjini Cairo, mwezi Januari.