Housegirl auwa mtoto wa bosi, kisha na yeye kujinyonga

KATIKA hali isiyo yakawaida mfanyakazi wa kazi za ndani, aliyetambulika kwa jina moja la Zaina (16), amemuua mtoto wa bosi wake, Set Steven (2) kwa kumnyonga kisha naye kujinyonga.
Tukio hilo la kusikitisha lilitokea jana, maeneo ya Uwanja wa Ndege, mjini Morogoro.

Kamanda wa Polisi mkoani Morogoro, Bw. Thobias Andengenye, alisema kuwa, tukio hilo lilitokea majira ya saa 2:45 usiku, katika nyumba ya Steven Kapombe ambapo binti huyo alipokuwa akifanya kazi za ndani.

Alisema, Zaina alianza kumnyonga mtoto huyo kwa kutumia kipande cha kanga na baada ya kufanya mauaji hayo na yeye aliamua kujinyonga mwenyewe kwa kutumia kipande cha kanga pia alichokining'iniza juu ya dari.

Andengenye alisema, hadi sasa chanzo cha kufanya mauaji hayo bado hakijafahamika na polisi wanaendelea na uchunguzi kugundua chanzo cha vifo hivyo.

Mtikila jela miezi sita

MAHAKAMA ya Wilaya ya Ilala ya jijini Dar es Salaam, imemuhukumu kutumikia kifungo cha miaka sita jela Mchungaji Christopher Mtikila, baada kushindwa kulipa fedha anazodaiwa.
Hukumu hiyo ilitolewa jana ,mahakamani hapo na Hakimu Mfawidhi, Bi. Joyce Minde na kutakiwa kutumikia kifungo hicho ndani ya gereza la Ukonga.

Wakati hukumu hiyo ikitolewa Mtikila hakuwepo mahakamani na Hakimu kusema Mtikila ataanza kutumikia kifungo hicho mara tu mlalamikaji Bi, Paskazia Matete atakapowasilisha shilingi laki moja kwea ajili ya kumhudumia mdaiwa atakapokuwa gerezani.

Minde alimtaka mdai, kuwasilisha kila mwezi kiasi cha shilingi laki moja kwa ajili ya fedha ya kumkimu mdaiwa atakapokuwa gerezani.

"Mtikila ataanza kutumikia kifungo mara tu mdai atakapowasilisha fedha za kumhudumia katika matatizo mbalimbali likiwemo chakula," alisema Hakimu Minde

Hakimu Minde alisema kwa kuwa Mtikila muda mrefu hakulipa deni hilo na malalmikaji alitaka mdaiwa afungwe hivyo kutokana na kwa mujibu wa sheria mlalamikaji atawajibika kutoa kiasi hicho kwa ajili ya kumuhudumia Mtikila atakapokuwa gerezani na akitumikia kifungo hicho hatatakiwa kulipa deni analodaiwa.

Hakimu Minde alisema, kwa mujibu wa sheria mdaiwa hafungwi na alimtaka mlalamikaji kama endapo anafahamu mali za Mtikila anazozifahamu anaweza kuzikamata ziuzwe ili afidie fedha anayomdai na endapo angeweza kukamata na zikiuzwa na kufikia fedha anazomdai basi Mtikila hatotumikia kifungo hicho.

AWali Mtikila na mwenzake Mariam Issa, walidaiwa kumkopa malalamikaji Paskazia Matete kiasi cha shilingi milioni 9 na kisha wawili hao kushindwa kulipa deni hilo .

Mbali na hukumu hiyo Mtikila anakabiliwa na shataka lingine katika Mahakdama ya Hakimu Mkazi Kisutu ya kudaiwa kumkshifu Rais Kikwete kwa kumuita gaidi na kutoa maneno ya uchochezi.

Jana Mtikila aliwasili Mahakamani hapo na usafiri aina ya Bajaji kuwasilisha ombi la kutaka hakimu anayesikiliza shauri hilo afukuzwe kazi.

Wawili wafikishwa mahakaman kwa mauaji ya Prof. Mwaikusa

WATU wawili wakazi wa jijini Dar es Salaam, wamefikishwa Mahakama ya Hakimu Mkazi Kisutu jana, wakikabiliwa na tuhuma za mauaji yaliyotokea ya aliyekuwa Mhadhiri wa Chuo Kikuu cha Dar es Salaam Kitivo cha Sheria, Profesa Jwani Mwaikusa.
Waliofikishwa katika mahakama hiyo jana ni, Joseph Merema Machecho na mwenzake Jackson Zebedayo Chacha wote wakikabiliwa na mauaji ya profesa huyo.

Watuhumiwea hapo walifikishwa mbele ya Hakimu Gabriel Mirumb na kusomewa mashtaka na matatu yaliyoongozwa na Mwendesha Mashitaka wa Serikali, Anne Mwaipula.

Mwaipula alidai kuwa, washitakwia hao walitendakosa hilo la mauaji Julai 13, mwaka huu, nyumbani kwa profesa huyo maeneo la Salasala mtaa wa Mkonde, majira ya saa 3:40 usiku.

Washitakiwa walimuua Profesa Mwaikusa.
Pia washitakwioa hao waliweza kuua mwingine aliyetambulika kama Gwamaka Daudi na shtka la tatu pia kwa wakati huohuo walimuua mtu wa tatu ndani ya familia hiyo aliyetambulika John Mtui.

Kesi hiyo itatajwa tena Agosti 10, mwaka huu.

Mhadhiri huo aliuawa nyumbani kwake Julai 13, mwaka huu, baada watu wanaosadikiwa kuwa majambazi kufika na silaha za moto na kumuua.

Ahukumiwa kunyongwa kwa kuua ablino

MAHAKAMA Kuu Kanda ya Mwanza, imemhukumu adhabu ya kifo baada ya kupatikana na kosa la mauaji ya mtoto aliyekuwa na ulemavu wa ngozi, Mariam Emmanueli (5).
Aliyehukumiwa kifungo hicho ni mshitakiwa wa kwanza katika kesi hiyo, Kazimili Mashauri, huku mshitakiwa wa pili atika kesi hiyo aliachiwa huru na mahakamda hiyo.

Hukumu hiyo ilisomwa asubuhi jana, na Jaji Projest Rugazia baada ya kuridhishwa na ushahidi uliotolewa na upande wa mashtaka. .


Jaji alisema kautokana na ushahidi uliotolewa na shahidi wa pili uliridhisha wazi kwua mshitakwia huyo alihusika na kitendo hicho moja kwa moja kwa kuwa kabla ya siku ya tukio la mauaji, mshtakiwa huyo alimuuliza mshitakwia wa pili ni wapi mtoto huyo analala.

Na kuongeza siku ambayo mshitakwia huyo wa kwanza ali[pokwenda kukamatwa alionyesha dhahiri kuwa muoga kwa kuwa alijikojolea baada ya kuona askari wanakwenda kumkamata.


Hivyo kwa maelezo ya shahidi wa pili yaliyotolewa mahakamani hapo hayakuwa na shaka na alidai kuwa mara baada ya kuchinja marehemu huyo, mshitakiwa huyo alikinga damu kwa kutumia sufuria na ushahidi huo uliridhishwa kwa kuwa mama wa mtoto huyo alikiri kutoona damu alipoingia chumbani na ushahidi huo kudhihirisha wazi kuwa damu hiyo haikumwagika na ilikingwa kwa kutumia chombo hicho.


Mauaji hayo yalitokea Januari 21, mwaka 2008, majira ya saa 10 usiku katika kijiji cha Nyangh’olongo wilayani Misungwi, mkoani Mwanza.

Aomba mahakama impunguzie adhabu kwa kuwa ana majini

MAHAMOUD SALUM (18), mkazi wa Tandika, amehukumiwa kifungo cha miezi sita jela baada ya kupatikana na kukiri kosa la kutishia kuua.
Hukumu hiyo ilitolewa jana, katika Mahakama ya Mwanzo Temeke,na Hakimu Mwinyiheri Kondo huku ikongozwa na Karani Blandina Haule, na hukumu hiyo kutolewa mara baada ya kukiri kosa hilo.

Mshitakiwa huyo alitakiwa kujitetea na Hakimu Kondo ili asimpe adhabu kali kwa kuwa aliirahisishia mahakama kukiri kosa hilo na ni moja ya taratibu za mahakama kabla ya kifungo mshitakwia anatakiwea ajitetee ili asipewe adhabu kali.

Mshitakiwa huyo alijitetea kama ifuatavyo ''Mheshimiwa hakimu naomba unipunguzie adhabu mbele ya Mahakama yako tukufu, naomba inipunguzie adhabu utakayonipa kwa kuwa mimi huwa ninasumbuliwa na majini, na mashetani muheshimiwa” hivyo gerezani yakinipata yaatanipa tabu kwa kuwa hawatajua wafanye nini” alijitetea mshitakiwa huyo.

Hata hivyo Hakimu hakuridhishwa na sababu hiyo na kuamua kumtwanga kifungo hicho ili iwe fundisho kutoa kauli za vitisho katika jamii na kunmuondolea uhuru mtu wa kuishi kwa sababu ambazo hazina msingi.

Awali hati ya mashitaka ilipofika mahakamani hapo, ilidaiwa kuwa, Julai 19, mwaka huu, majira ya saa 7 mchana, maeneo ya Mamboleo Tandika, mshitakiwa alimtishia mama yake mdogo aitwae Zeyanah Sultan kuwa lazima atammaliza kwa njuia yeyote ile yaani atamtoa uhai.

Maafisa Afya kizimbani kwa kupokea rushwa

MAAFISA Afya Wilaya ya Kinondoni wamepandishwa kizimbani kwa tuhuma za kuomba na kupokea rushwa ya kiasi cha shilingi laki moja kutoka kwa muuza duka.
Watuhumiwa hao walipandishwa kizimbani jana kusomewa maelezo ya awali ni Ezra Gula (28) na Gelma Chifunda (39) ambao wote ni waajiriwa wa Serikali kitengo cha afisa afya Wilaya ya Kinondoni.

Watuhumiwa ambao wote ni wakazi wa Mbezi walikamatwa Julai 21 na Taasisi ya kuzuia na kupambana na Rushwa (TAKUKURU) baada ya kuwekewa mtego.

Wakisomewa maelezo ya awali na Mwanasheria wa TAKUKURU mkoa wa Kinondoni Ronald Manyiri alidai kuwa watuhumiwa hao walitenda kosa hilo Julai 21 huko Mwananyamala Kinondoni.

Watuhumiwa walikiuka majukumu yao kwa kuomba hongo, baada ya kufanya ukaguzi wa duka la Simon Shilayo ambapo walipokagua walibaini baadhi ya bidhaa zilikuwa zimekwisha muda wake (zimeexpire).

Watuhumiwa walimtaka Shilayo awape kiasi cha shilingi laki moja ili wasimchukulie hatua hata hivyo baada ya kukubaliana muuza duka huyo aliweka mitego ya TAKUKURU na kufanikiwa kuwakamata.

Watuhumiwa hao walikana kosa hilo ambapo waliachiwa kwa dhamana ya shilingi laki mbili kila mmoja pamoja na wadhamini wawili wawili ambapo kesi imeahirishwa hadi Agosti 16 mwaka huu.

WFP kununua chakula kutoka Afrika

Shirika la chakula duniani WFP, linasema linajitahidi kuongeza kiwango cha chakula, ambacho huwa linanunua, kutoka kwa wakulima barani Afrika.

Mkuu wa shirika hilo Josette Sheeran, amesema wanajitahidi kuhakikisha kuwa nchi kumi na sita kutoka barani Afrika, zitafaidika kutokana na mpango huo.

Katika nchi nyingi barani Afrika, wakati kuna uhaba wa chakula mashirika ya misaada ya kimataifa huanza kuleta chakula ambacho hununuliwa katika nchi za kigeni.

Hili ndilo tatizo ambalo shirika la WFP linajaribu kumaliza.

Uganda ni moja wapo ya nchi ambazo shirika hilo lina mpango wa kununua chakula.

Mkrugenzi wa WFP nchini Uganda Stanlake Samkange, amesema fedha nyingi zitatumika kununua vifaa vitakavyoliwezesha shirika hilo, kununua kiwango kikubwa zaidi mahindi na maharage.

Vifaa hivyo vitatumika kuhifadhi na kusafisha chakula hicho, ili kiweze kufikia kiwango cha kimataifa.

Mwaka jana Shirika la WFP, lilitumia dola millioni mia mbili na ishirini kutoka barani Afrika.

Wakulima kutoka Uganda, ni baadhi ya wale waliofaidika.

Hii ina maana kwamba maharage waliyopewa watu wa Karamoja,kaskazini mashariki mwa Uganda yalinunuliwa kutoka Kusini-Magharibi mwa Uganda, na wala sio kutoka mashamba ya Marekani au Ulaya.